Óskemende «100 kúnde 10 000 shuńqyr» aktsııasy iske qosyldy

ÓSKEMEN. QazAqparat – Óskemen qalasynda «100 kúnde 10 000 shuńqyr» aktsııasy iske qosyldy, dep habarlaıdy QazAqparat tilshisi.

Qala ákimdiginiń málimetine súıensek, «Keptelissiz qala» baǵdarlamasy aıasynda «100 kúnde 10 000 shuńqyr» aktsııasy iske qosyldy. Turǵyndar joldardaǵy shuńqyrlardy fotoǵa túsirip, ákimdikke jibere alady.

Halyqqa barynsha yńǵaıly bolý úshin @Oskemen_bot telegramm chat-boty ashylǵan. Óskemendikter telefonmen joldaǵy shuńqyrdy fotoǵa túsirip, osynda jibergen soń birden merdigerler sol joldy qalypqa keltiredi.

«Mundaı aktsııalar belsendi azamattyq qoǵamdy qalyptastyrady. Osylaısha, halyq bıýdjet qarajatynyń qaıda jumsalatynyn ózderi sheshedi. Aldaǵy ýaqytta jumysymyzdy jaqsartý úshin tsıfrlyq tehnologııalardy paıdalanýdy arttyrýdy kózdep otyrmyz», - deıdi qala ákimi Jaqsylyq Omar.