Óskemende 10 páterdi tonaǵan qylmystyq top ustaldy
ÓSKEMEN. QazAqparat - Óskemen qalasynyń ishki ister basqarmasyna qarasty krımınaldyq polıtsııa bóliminiń qyzmetkerleri páter tonaýman aınalysqan topty qolǵa túsirdi, dep habarlaıdy QazAqparat tilshisi.
Kúdiktilerdiń biri Almaty qalasynyń turǵyny ekeni anyqtaldy. Ekeýi de buǵan deıin osyǵan uqsas qylmys úshin sottalǵan. Ázirge olardyń Óskemen qalasyndaǵy 10 urlyqqa qatysy bar ekenin belgili. Ákki top páter tonaýmen eki jyl boıy aınalysyp kelgen.
«Olar árbir qylmysqa tııanaqty daıyndalyp otyrǵan. Áýeli tańdaý túsken páterdiń turǵyndarynyń ýaqyt rejimin zerttegen. Odan keıin ishke enýdiń josparyn pysyqtaǵan. Qulyp buzǵysh qural arqyly ishke enip, aqsha men baǵaly zattardy úptep otyrǵan. Tonaýshylardyń biri úıge kirgende, ekinshisi syrtta qalyp, telefon arqyly syrttaǵy ózgeristerdi baıandap turǵan» - deıdi oblystyq ІІD Memlekettik til jáne aqparat basqarmasynyń basshysy Áıgerim Nurǵazına.
Osy eki jyldyń ishinde japa shekken páter ıeleri 8 mln teńgege shyǵyndalǵan.
Aıta keterligi, kúdiktilerdiń qylmysy dáleldense, 5 jyldan 10 jylǵa deıin bas bostandyǵynan aıyrylýy múmkin.
