Óskemende 10-ǵa jýyq saıajaıǵa urlyqqa túsken 2 er adam ustaldy
Qalalyq Polıtsııa basqarmasy baspasóz qyzmetiniń málimetine súıensek, 31 jáne 34 jastaǵy azamattar baý-baqsha qoǵamdastyqtaryndaǵy saıajaılardy tonaýmen aınalysqan. Qazirgi ýaqytta olardyń 10-ǵa jýyq saıajaıdan urlyq jasaǵandyǵy anyqtaldy.
Aldyn ala sóz baılasqan Óskemen turǵyndary esik pen terezeni buzý arqyly ishke kirip otyrdy. Mysaly, «Rodnıchok» qoǵamdastyǵynan metall, al Samotsvet» qoǵamdastyǵyndaǵy saıajaıdan vanna urlanǵan.
«Soljaǵalaý polıtsııa bóliminiń qyzmetkerleri kúdiktilerdi qolǵa túsirdi. Qazirgi ýaqytta olarǵa qatysty QR QK-niń 188-baby 3-bóligi 2,3-tarmaqtarymen sotqa deıingi tergeý amaldary júrgizilýde. Er adamdardyń basqa da urlyq faktilerine qatystarynyń bar-joqtyǵy tekserilip jatyr», - deıdi qalalyq PB bastyǵy Andreı Mýla.