Óskemendi erteń taǵy da tútin basyp turady

ÓSKEMEN. KAZINFORM — Óskemen qalasynda erteń taǵy da qolaısyz meteorologııalyq jaǵdaı jarııalandy. 

Qalada jel soqpaı turǵanyna búgin eki apta boldy. «Qazgıdromet» RMK málimetine súıensek, qolaısyz meteorologııalyq jaǵdaı erteń de sozylady.

— 1 naýryz saǵat 20.00-den bastap 2 naýryz saǵat 20.00-ge deıin Óskemende ekinshi dárejeli QMJ saqtalady, - delingen aqparatta.

Aıta keteıik, buǵan deıin ekologtar júrgizgen monıtorıng málimetterine súıensek, Óskemende aýaǵa taraǵan birqatar lastaýshy zat mólsheri ruqsat etilgen shekten asyp ketken. Naqty aıtqanda, kúkirt dıoksıdi normadan 1,4 esege, kómirqyshqyl gazy 1,5 esege asqan. 

Eske salsaq, Óskemendi tuman tumshalap turǵanyna 2 apta bolǵany jaıly jazǵanbyz.