Óskemen -Zyrıan jolyndaǵy shatqaldar qardan tazartyldy
ASTANA. QazAqparat - 7 naýryzda mamandar jol qaýipsizdigin qamtamasyz etý maqsatynda «Óskemen -Zyrıan» avtojolynda 3 qar kóshkininiń aldyn alý jumystaryn júrgizdi. Nátıjesinde 8900 tekshe metr qar massasy tústi, dep habarlaıdy «Qazseldenqorǵaý » MM.
«Qar avtojoldy tolyǵymen jaýyp qaldy. «Qazaqavtojoldyń» 3 qar tazalaýshy tehnıkasy jumys istedi. Profılaktıkalyq jarylys kezinde eshkim zardap shekken joq. Qazirgi ýaqytta atalǵan aımaqtaǵy avtojol qaýipsiz», - delingen habarlamada.
Jalpy osy jumysqa 29 adam jáne 10 tehnıka jumyldyryldy. Atap aıtqanda: «Qazseldenqorǵaý» MM, «ShAAJQT» MM, «Shyǵysjarýónerkásip» JShS, ІІD ákimshilik polıtsııa basqarmasy, Apattyq medıtsına, ShQO TJD, «Qazaqavtojol».
