«Óskemen-Zyrıan» jolynda 7 myń tekshe metr qar kóshkini túsirildi
ÓSKEMEN. QazAqparat - «Qazseldenqorǵaý» memlekettik mekemesi men tótenshe jaǵdaı qyzmetiniń mamandary «Óskemen-Zyrıan» baǵytyndaǵy joldyń 4 bóliginde qar kóshkinin jasandy jolmen túsirdi, dep habarlaıdy QazAqparat tilshisi.
Jarylys nátıjesinde taý shatqalynda jolaýshylarǵa qaýip tóndirip turǵan 7000 tekshe metr qardyń kóbesi sógildi.
«Jolǵa túsken qar jarty saǵattyń ishinde tazalanyp, kólik qatynasy qalpyna keltirildi» - delingen tótenshe jaǵdaılar departamentiniń málimetinde.
Óńirde qar kóshkininiń qaýpi saqtalyp tur. Ásirese «Óskemen-Zyrıan» jáne «Óskemen-Severnoe» baǵytyndaǵy joldar kóshkin qaýpi saldarynan jıi jabylýda.
«Kazgıdromet» mekemesi 26 naýryz kúni birneshe aýdanda kún raıy jylynyp, kóp mólsherde jańbyr jaýatynyn eskertip otyr.
Aıta keteıik, kóshkin qaýpin seıiltý úshin oblysta jasandy jarylystar uıymdastyrylýda.
