Óskemen jylý ortalyǵyndaǵy aqaý: Taǵy bir qazandyq iske qosyldy

ÓSKEMEN. QazAqparat – Óskemen qalasynda aqaý shyqqan jylý elektr ortalyǵynda taǵy bir qazandyq iske qosyldy, dep habarlaıdy QazAqparat tilshisi.

Óskemendegi jylý elektr ortalyǵynan málim etkendeı, qazirgi ýaqytta jóndeý jumystary júrgizilgen qazandyqtardyń biri iske qosylǵan.

«Ortalyq shtattyq rejımde jumys istep tur. Taǵy bir qazandyq iske qosyldy. Sonyń nátıjesinde, jelilik sýdyń temperatýrasy kóterildi. Dál qazirgi sátte sýdyń temperatýrasy 95 gradýsty qurap otyr», - delingen aqparatta.

Eske salsaq, 27 qarashada Óskemendegi jylý elektr ortalyǵynan aqaý shyqqan. Onda 7 qazandyq pen 6 týrboagregat bar.

2 qazandyq agregaty kestege sáıkes jóndeýden ótip jatqany habarlanǵan edi.