Óskemen jylý ortalyǵyndaǵy aqaý: Qazandyqtyń biri 20 jeltoqsanǵa deıin jóndeledi

ÓSKEMEN. QazAqparat – Óskemen qalasyndaǵy jylý elektr ortalyǵyndaǵy qazandyqtardyń biri 20 jeltoqsanǵa deıin jóndeledi, dep habarlaıdy QazAqparat tilshisi.

Óskemendegi jylý elektr ortalyǵy qazir shtattyq rejımde jumys istep tur.

Onda 7 qazandyq pen 6 týrboagregat bar. 2 qazandyq agregaty kestege sáıkes jóndeýden ótip jatyr.

Atap aıtqanda, № 10 jáne 14 qazandyqtar. Keshe osy qazandyqtardyń biri iske qosylǵany habarlanǵan.

«Orta qysymdy №10 qazandyq 20 jeltoqsanǵa deıin jóndelip bitedi. Qazandyqtar aıaq asty jóndelip jatyr dep aıtýǵa esh negiz joq. Jyl saıyn bir-eki qondyrǵy jylytý maýsymynda josparly jóndeýden ótkiziledi. Jalpy biz ortalyq úzdiksiz jumys istep, eshqandaı apat bolmaýy úshin tıisti sharalardyń barlyǵyn qabyldadyq», - deıdi «Óskemen JEO» JShS jóndeý jumystary boıynsha dırektory Toqtar Aqtaılaqov.

Eske salsaq, 27 qarashada Óskemendegi jylý elektr ortalyǵynan aqaý shyqqan bolatyn.