Óskemen jurtshylyǵy tyl eńbekkeriniń qazasyna kinálilerdi izdep jatyr

ÓSKEMEN. QazAqparat - Daýyl kezinde Óskemen qalasyndaǵy «shatyrdyń qıraýyna» merdigerlerdiń tııanaqsyzdyǵy emes, alapat jel sebep bolǵan. «Ulttyq saraptama jáne sertıfıkattaý ortalyǵy» AQ-nyń ShQO-daǵy fılıalynyń dırektory Ertóleý Meshimbaev osylaı esepteıdi.

Mundaı pikirdi ol Óskemen jýrnalısterimen kezdesý barysynda málim etti, dep habarlaıdy oblystyq ákimdiktiń baspasóz qyzmeti.

Aıta keteıik, TJ saldarynan tyl eńbekkeri qaza tapqan bolatyn. Qala ákimi Qýat Tumabaev aýrýhanadaǵy daýyldan zardap shekkenderdiń kóńilini surap qaıtqan soń, Óskemen jurtshylyǵy qaladaǵy shatyrlardyń ushyp ketýine kinálilerdi izdestirýge kiristi.

Ertóleý Meshimbaevtyń aıtýynsha, qalada buryn bolmaǵan daýyl soqqan.

«Osy ýaqytqa deıin qansha jel men daýyldy bastan ótkerdik, alaıda  qurylysshylardyń jumysyna qatysty eshqandaı shaǵym bolǵan joq. Shatyrdyń salynǵany 7 jyl boldy. Men sizderge shatyr torlamasynyń bir bóligi julynǵandyǵy túsirilgen sýretti kórsete alamyn, al ıtarqalary ornynda tur. Kýágerler shatyrdyń osy bólshegi birneshe ret ornynan kóterilip, tipti 8-10 metr bıiktikke deıin ushqanyn aıtyp otyr», - deıdi E.Meshimbaev.

Onyń aıtýynsha, jeldiń kúsheıýinen julynyp qalǵan shatyr bólshegi «Avtobasqarma» aıaldamasy aldyna ushyp túsip, Halyq banki ornalasqan Qazaqstan kóshesine ótken. Zardap shekken qarııa sol mańda ketip bara jatqan.

«Biz zeınetker qazasynyń onyń otbasyna aýyr tıgendigin túsinemiz. Onyń halin surap aýrýhanaǵa barǵan da bolatynbyz, qyzmetkerlerimiz qan tapsyrdy. Óz tarapymyzdan onyń týysqandaryna kómek kórseteıik dep sheshtik, kompanııa prezıdenti bul oıymyzdy qoldap, Sherııazdan Isanovtyń týǵandaryna qoldaý retinde jarty mıllıon teńge kóleminde qarjy bóldi», - dedi Ertóleý Meshimbaev.

Qalalyq aýrýhanada daýyldan zardap shekken taǵy birneshe adam jatyr. 18 jastaǵy stýdent Kámıla Baqytova «Zańǵar» saýda ortalyǵy aldynda basyna qurylys bólshegi qulap, aýyr jaraqat alǵan. Zeınetker Galına Anohına da sol dúkenniń aldynda zardap shekti.

Qýat Tumabaev zardap shegýshilerge ruqsatsyz qoıylǵan jarnamalarǵa qatysty málimetterdi anyqtaýǵa ýáde berdi. Sondaı-aq ákimdik sapasyz qurylystar men nashar bekitilgen qurylǵylarǵa qatysy bar tulǵalardyń barlyǵy tıisti jaýapkershilikke tartylatyndyǵyn aıtyp otyr.

Aýrýhananyń habarlanaýynsha, zardap shekkender 12 kúnnen keıin úılerine qaıtarylady.