Óskemen joldaryna ortasha jóndeý jumystaryn júrgizý bastaldy
ÓSKEMEN. QazAqparat — Óskemende joldardy ortasha jóndeý jumysy bastaldy, dep habarlaıdy QazAqparat qalalyq ákimdikke silteme jasap.
Jóndeý jumysy tórt jol bóliginde – Bajova, Qabanbaı batyr kósheleri men Ýshanov dańǵyly jáne ÚMZ soltústik shekarasy mańyndaǵy aınalma jol bóliginde júrgiziledi. Jaqyn arada Vınogradova, ıAroslavskaıa jáne Shosseınaıa kóshelerinde jumys bastalady.
«Birinshi kezeń – bordıýrlerdi bólshekteý men asfalt qabatyn frezerleý. Ortasha jóndeý jumysy kezinde barlyq bóliktiń asfalti aýystyrylyp, trotýar jasalady.
2020 jyly ortasha jóndeý jumysy júrgiziletin jerdiń jalpy kólemi 12 km-den asady. Onyń ishindegi eń úlkeni Bajova kóshesi (Nazarbaev dańǵylynan Abaı dańǵylyna deıin 5,5 km-den asatyn aýmaq)», - dep túsindirdi qalalyq ákimdik ókilderi.
Aıta ketsek, shart boıynsha jumystar 31 shildege deıin aıaqtalýy tıis. Degenmen merdiger-mekeme jóndeý jumysyn erte bitirýdi josparlap otyr.
