Óskemen jáne Shúlbi GES-teriniń memleketke tıesili úlesi «Samuryq-Qazyna» qoryna berildi
ASTANA. QazAqparat – Shyǵys Qazaqstan oblysyndaǵy «Óskemen» jáne «Shúlbi» gıdroelektr stansalarynyń memleketke tıesili úlesteri «Samuryq-Qazyna» qoryna beriletin boldy. Bul týraly Úkimettiń qaýlysynda aıtylǵan, dep habarlaıdy QazAqparat tilshisi.
«AES Óskemen GES» jáne «AES Shúlbi GES» jaýapkershiligi shekteýli seriktestikteriniń memlekettik qatysý úlesteri ulttyq qaýipsizdik organdarymen kelisilgen tıisti salanyń ýákiletti organynyń oń salalyq qorytyndysyn alǵan jaǵdaıda «Samuryq-Qazyna» ulttyq ál-aýqat qory» aktsıonerlik qoǵamynyń aktsııalaryn tóleýge berilsin», - dep jazylǵan qujat mátininde.
Atalǵan qaýlyny iske asyrý úshin Qarjy mınıstrliginiń Memlekettik múlik jáne jekeshelendirý komıteti men Energetıka, Ulttyq ekonomıka mınıstrlikteri «Samuryq-Qazyna» qorymen birlesip zańnamada belgilengen tártippen qajetti sharalar qabyldaýy kerek.
Qujatta osyǵan baılanysty Úkimettiń buǵan deıin qabyldanǵan keıbir sheshimderine túzetý engiziletini de aıtylǵan.
Foto: earthpossible.com