Óskemen turǵynynyń kóligi men aqshasyn tartyp alǵan eki adam ustaldy

ÓSKEMEN. QazAqparat – Óskemen qalasy turǵynynyń kóligin, qymbat turatyn eki telefony men 800 myń teńgesin bopsalap alǵan eki adam ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylaryna eki er adamnyń Óskemen turǵynyn bopsalaǵany týraly aqparat túsken. Polıtseıler QR Ulttyq ulanynyń arnaıy bólimshesimen birlesip, jedel-izdestirý sharalaryna kiristi. Kóp uzamaı 25 jáne 26 jastaǵy eki kúdikti ustaldy.

«Belgili bolǵandaı, olar jábirlenýshini qorqytý úshin qala syrtyna kúshtep aparǵan. Qylmystyq áreketterimen onyń «iPhone 14 Pro» markaly eki uıaly telefonyn, 800 000 teńge aqshasyn jáne «Mercedes-Benz» markaly kóligin bopsalap alǵan. Ustalǵandar óz kinálaryn moıyndady. Zattaı dáleldemeler ishinara (400 000 teńge somasyndaǵy aqsha) alyndy», - delingen aqparatta.

Sonymen qatar, avtokólikti tekserý barysynda salonnan qosaýyz myltyqtyń kesindisi jáne 4 oq tabyldy. Kúdiktiler sot sanktsııasymen qamaýǵa alyndy.

Atalǵan fakti boıynsha QR QK-niń 194-baby 3-bóligine, 125-baby 2-bóligine jáne 287-baby 3-bóligine sáıkes sotqa deıingi tergeý amaldary bastaldy.