Óskemen turǵynynyń garajynan 128 keliden astam marıhýana tabyldy

ÓSKEMEN. QazAqparat – Óskemen qalasy turǵynynyń garajynan 128 keliden astam marıhýana tabyldy, dep habarlaıdy QazAqparat tilshisi.

ShQO polıtsııa departamenti baspasóz qyzmetiniń málimetine súıensek, tártip saqshylary jedel-izdestirý sharalary barysynda asa iri mólsherde esirtki saýdasynyń jolyn kesti.

«Qaladaǵy garaj kooperatıvteriniń birinde 32 jastaǵy er adam ustaldy. Ol ózine tıesili garajda 128 keliden astam marıhýanany satý maqsatynda saqtaǵan. Polıtseıler 64 myń birrettik dozaǵa teń esirtkini tárkiledi», - delingen aqparatta.

Atalǵan fakti boıynsha Qazaqstan Respýblıkasy Qylmystyq Kodeksiniń 297-baby 3-bóliginiń 3-tarmaǵymen (ótkizý maqsatynda asa iri mólsherde esirtki quraldaryn saqtaý) sotqa deıingi tergeý amaldary júrgizilip jatyr.

Kúdikti ýaqytsha ustaý ızolıatoryna qamaýǵa alyndy.

Ol 15 jylǵa deıin bas bostandyǵynan aıyrylýy múmkin.