Óskemen turǵynynyń atyna onlaın nesıe rásimdegen alaıaq ustaldy

ÓSKEMEN. QazAqparat – Óskemen qalasy turǵynynyń atyna onlaın nesıe rásimdegen alaıaq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, qalalyq PB Úlbi polıtsııa bólimine Glýbokoe aýdanynyń 22 jastaǵy turǵyny júgindi. Aıtýynsha, onyń Óskemendegi tanysynyń atyna belgisiz bireý bankten 242 000 teńge onlaın nesıe resimdegen.

«Birden tártip saqshylary jedel izdestirý sharalaryn qolǵa aldy. Kóp uzamaı kúdikti qolǵa túsken. 45 jastaǵy er adam polıtsııa bólimshesine jetkizildi», - dedi ShQO PD bastyǵy Saǵat Mádıev.

Qazirgi ýaqytta atalǵan fakti boıynsha QR Qylmystyq kodeksiniń 190-baby 1-bóligine sáıkes sotqa deıingi tergeý amaldary júrgizilip jatyr.