Óskemen turǵynynan qalamǵa uqsas atys qarýy tárkilendi
ÓSKEMEN. QazAqparat – Óskemen qalasynyń turǵynynan qalam tektes atys qarýy tárkilendi, dep habarlaıdy QazAqparat tilshisi.
ShQO qylmystyq-atqarý júıesi departamenti baspasóz qyzmetiniń málimetine súıensek, erekshe rejımdegi kolonııa qyzmetkerleri tártip saqshylarymen birlesip «Qarý» jedel aldyn alý sharasyn júrgizýde.
Shara barysynda olar Óskemen qalasynyń 44 jastaǵy turǵynynan qalam tektes qoldan jasalǵan atys qarýyn tárkiledi.
«Departament mamandary men polıtsııa qyzmetkerleriniń úılesimdi áreketiniń nátıjesinde azamattan ádeıi qalamǵa uqsas qylyp jasalǵan, shaǵyn kalıbrli patronmen atýǵa jaramdy qarý tárkilendi. Atalǵan fakti boıynsha balıstıkalyq saraptama taǵaıyndaldy», - dedi ShQO QAJ departamentiniń bastyǵy Janbolat Qaletaev.
Esterińizge sala ketsek, osyǵan deıin ShQO-da 92 jastaǵy keıýanaǵa qaraqshylyq shabýyl jasaǵan kúdiktiniń ustalǵanyn habarlaǵan bolatynbyz.
