Óskemen turǵynynan granata, tapansha men pyshaq tabyldy
ÓSKEMEN. QazAqparat – Óskemen qalasynda polıtseıler er adamdy tintý barysynda granata, tapansha men pyshaq tapty, dep habarlaıdy QazAqparat tilshisi.
QR ІІM málimetine súıensek, Shyǵys Qazaqstan oblysynyń polıtseıleri tártipsizdik jasaǵan nemese oǵan qatysy bar azamattardy anyqtaý jáne ustaý boıynsha jedel is-sharalar júrgizýde.
«Óskemen qalasynda tártip saqshylary Chehov jáne Pobeda kósheleriniń qıylysynda 34 jastaǵy azamatty toqtatqan. Tintý kezinde onyń kúrteshe qaltasynan «OSA» tapanshasyn, granataǵa uqsas zat pen jınalmaly pyshaqty tapty. Qazirgi ýaqytta tıisti saraptamalar júrgizilýde», - delingen aqparatta.
Atalǵan fakti boıynsha QR Qylmystyq Kodeksiniń 287-baby 3-bóligine (atys qarýyn zańsyz alý, saqtaý, tasymaldaý nemese alyp júrý) sáıkes sotqa deıingi tergeý amaldary bastaldy.
