Óskemen turǵynynan 2 tapansha men oq-dári tárkilendi
ÓSKEMEN. QazAqparat – Óskemen qalasy turǵynynyń úıinen 2 tapansha men oq-dáriler tabyldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, tártip saqshylary «Quqyqtyq tártip» jedel aldyn ala sharasy aıasynda 40 jastaǵy er adamnyń páterine tintý júrgizgen.
Sonyń nátıjesinde 2 tapansha, oq-dáriler, 5 dana gazballon tárkilendi.
Ballıstıkalyq saraptama qorytyndysyna sáıkes bul zat «45 Rubber» kalıbrli jaraqat salatyn oqpen atatyn gaz tapanshasy bolyp shyqty.
«Tapansha zaýyttyq ádispen jasalǵan jáne atýǵa jaramdy. Sondaı-aq 6 oq-dári tabylǵan. Al 4,5 mm kalıbrli taǵy bir gazballondy pnevmatıkalyq tapansha sporttyq jáne jattyǵý atystaryna arnalǵan» delingen habarlamada.
Kúdikti óz sózinde tárkilengen zattardy Beloýsovka aýylynda turatyn 43 jastaǵy tanysynyń dámhana janynan taýyp alǵandyǵyn túsindirdi.
Qazirgi ýaqytta atalǵan fakti boıynsha QR QK 287-baby 2-bóligimen sotqa deıingi tergeý amaldary júrgizilýde.
