Óskemen turǵynynan 2 mln teńgeniń esirtkisi tárkilendi

ÓSKEMEN. QazAqparat – Óskemen qalasynyń turǵynynan 2 mln teńgeniń esirtkisi tárkilendi, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, Esirtki qylmysyna qarsy is-qımyl basqarmasynyń qyzmetkerleri 21 jastaǵy áıel adamdy ustady. Ol jeńil jolmen paıda tabý maqsatynda psıhotroptyq zattardy satýmen aınalysqan. Aqshany qolma-qol almaı, esirtkini aldyn ala kelisilgen jerge tastap ketip otyrdy.

«Kúdiktiniń páterinen jalpy salmaǵy 200 grammdy quraıtyn psıhotroptyq zattyń bir rettik 650 dozasy tárkilendi. Onyń qara naryqtaǵy quny 2 mln teńgeden asady», - dedi ShQO PD bastyǵy Saǵat Mádıev.

Qazirgi ýaqytta atalǵan fakti boıynsha QR Qylmystyq kodeksiniń 297-baby 3-bóliginiń 3,5 tarmaqtarymen sotqa deıingi tergeý amaldary bastaldy.

Aıta keteıik, osyndaı qylmys jasaǵan adam 10-nan 15 jylǵa deıin bas bostandyǵynan aıyrylýy múmkin.