Óskemen turǵynynan 1 keliden astam sıntetıkalyq esirtki tabyldy

ShYMKENT. QazAqparat - Shymkent polıtsııasy sómkesinde iri mólsherde sıntetıkalyq esirtki tasymaldaǵan Óskemen turǵynyn ustady, dep habarlaıdy QazAqparat Polisia.kz saıtyna silteme jasap.

Shymkent qalasy Polıtsııa departamentiniń qyzmetkerleri «Qarasora-2022» jedel-profılaktıkalyq is-sharasy barysynda kúdik týdyrǵan Óskemen qalasynyń turǵynyn baıqaǵan. Onyń sómkesinen salmaǵy 1 keliden asatyn sıntetıkalyq esirtki bolǵan.

Saraptama qorytyndysy atalǵan zattyń mefedron esirtki zaty ekendigin anyqtady. Jalpy salmaǵy – 1 keli 151 gramm.

«Búginde atalǵan azamatqa qatysty QR Qylmystyq kodeksiniń 296-baby 4-bóligimen (Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý) qylmystyq is qozǵalyp, sotqa deıingi tergep-tekserý jumystary bastaldy. Kúdikti ýaqytsha ustaý ızolıatoryna qamaýǵa alyndy.

Atap ótý qajet, 29 jastaǵy azamat buǵan deıin qylmystyq jaýapkershilikke tartylyp, sotty bolǵan. Al onyń bul áreketi qoldanystaǵy zańǵa sáıkes aýyrlatatyn mán-jaı bolyp tabylady jáne ol úshin oǵan qatań jaýapkershilik qarastyrylǵan», - delingen polıtsııa habarlamasynda.

Foto: polisia.kz