Óskemen turǵynyn bank bólimshesinde tonap ketken eki elordalyq ustaldy

ÓSKEMEN. QazAqparat – Óskemen turǵynynyń bank bólimshesindegi bankomattan sheship alǵan 720 myń teńgesin ashyqtan-ashyq urlaǵan eki elordalyq qolǵa tústi, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetinshe, shahardaǵy bankteriniń birine kelgen 55 jáne 39 jastaǵy eki er adam kisi tonamaq bolǵan. Nur-Sultan qalasynan kelgen olar óz áreketterin aldyn ala josparlap alǵan.

«Jábirlenýshiniń bankomattan sheshken 720 myń teńgesin tartyp alǵan tonaýshylar izin sýytpaq bolyp, Pavlodar arqyly Nur-Sultanǵa jeńil kólikpen bet alady. Óskemendik krımınaldyq polıtsııa qyzmetkerleri elorda jáne Pavlodar qalalarynyń Polıtsııa departamentterimen birlesip kúdiktilerdi astanadan qolǵa túsirdi», - dep habarlady vedomstvo ókilderi.

Belgili bolǵandaı, eki er adam tonaýdyń ýaqyty men ornyn aldyn ala josparlap, adam kóp shoǵyrlanǵan jerdi ádeıi tańdap alǵan. Kúdiktiler aqshanyń jartysyn jaratyp úlgeripti. Qazirgi ýaqytta jábirlenýshige qalǵan soma qaıtaryldy.

Óz kinálaryn tolyq moıyndaǵan tonaýshylar Óskemende ýaqytsha ustaý ızolıatoryna qamaýǵa alyndy. Olarǵa qatysty QR QK-niń 191 baby 2 bóligine sáıkes sotqa deıingi tergeý amaldary júrgizilýde.