Óskemen turǵynyn aldap soqqan almatylyq alaıaq ustaldy
ÓSKEMEN. QazAqparat – Óskemen qalasynyń turǵynyn aldap, 300 myń teńgege jýyq paıda kórgen almatylyq alaıaq ustaldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, qalalyq PB Soljaǵalaý polıtsııa bólimine 34 jastaǵy turǵyn júgingen.
Óz sózinde ol belgisiz áıeldiń Almatydan oıynshyqtardyń bir qorabyn jiberetindigine sendirip, 282 500 teńge suraǵanyn aıtty.
Oıyna esh sekem kelmegen azamat tólem termınaly arqyly abonenttik nómirge aqshany aýdara salǵan. Osydan keıin jymysqy oıyn júzege asyrǵan alaıaq habar-osharsyz ketti.
«Krımınaldyq polıtsııa qyzmetkerleri Almaty qalasynyń 40 jastaǵy turǵynyn qolǵa túsirip, bólimshege jetkizdi. Tergeý kezinde kúdikti óz kinásin moıyndaǵan. Materıaldyq shyǵyn jábirlenýshige tolyqtaı qaıtaryldy», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha QR QK 190-baby 2-bóligine sáıkes sotqa deıingi tergeý amaldary júrgizilýde.
