Óskemen turǵyny tanysynyń atyna onlaın nesıe rásimdegen
ÓSKEMEN. QazAqparat – Óskemen qalasynda tanysynyń atyna ınternet arqyly nesıe alǵan er adam ustaldy, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 33 jastaǵy azamattyń telefonyna 215 myń teńge mólsherinde nesıe alǵany týraly habarlama kelgen. Er adam birden polıtsııaǵa habarlasyp, mán-jaıdy baıan etedi. Jedel áreket etken tártip saqshylary kúdiktini qolǵa túsirgen. Jábirlenýshiniń tanysy óz kinásin moıyndap otyr.
«Budan bólek, alaıaqtyqqa qatysty taǵy bir qylmys tirkeldi. Óskemendik zeınetker kóshede beıtanys jigitti toqtatyp, bankomattan aqsha sheshýge kómektesýin suraǵan. Sol kezde ońaı oljaǵa kenelmek bolǵan 35 jastaǵy qala turǵyny qart kisini aldap, 20 myń teńgesin qaltaǵa basqan. Qazirgi ýaqytta polıtseıler atalǵan faktiler boıynsha QR QK-niń 190-baby, 1-bóligimen sotqa deıingi tergeý amaldaryn júrgizýde», - dep habarlady vedomstvo ókilderi.
