Óskemen turǵyny polıtsııa qyzmetkerin pyshaqtady
ÓSKEMEN. QazAqparat – Óskemen qalasynda polıtsııa qyzmetkerlerine qarsylyq kórsetken er adam ustaldy, dep habarlaıdy QazAqparat tilshisi qalalyq polıtsııa basqarmasynyń baspasóz qyzmetine silteme jasap.
Vedomstvoda habarlaǵandaı, 8 aqpanǵa qaraǵan túni Óskemen qalalyq polıtsııa basqarmasynyń PPB patrýldik jasaǵyna kópqabatty úılerdiń birinde tynyshtyqty buzý týraly qońyraý kelip túsken.
Shaqyrý ornyna dereý jetken patrýldik polıtsııa batalonynyń ınspektorlary polıtsııa aǵa leıtenanty Nurjan Kakeev pen polıtsııa aǵa leıtenanty Bekarys Abdoldanov alkogoldik ishimdik ishken eki er adamnyń 9-qabattaǵy baspaldaqta bir-birimen qatty sóılesip turǵanyn anyqtaǵan.
Polıtsııa qyzmetkerleri er adamdarǵa olardyń tártipti buzyp jatqanyn túsindirip, shý shyǵarmaýyn ótingen. Alaıda, olar polıtseılerdiń sózin tyńdamaı, daýlasa bastaǵan. Keıin olardyń biri polıtsııa qyzmetkeriniń moınyna pyshaq suǵyp, sodan keıin baspaldaqpen tómen qaraı júgirip ketken.
Pyshaq jaraqatyn alǵanyna qaramastan, Nurjan Kakeev tez arada qashyp bara jatqan tártip buzýshynyń artynan júgirgen. Kóshede júgirip kele jatqan er adam polıtsııadan qashyp qutyla almaıtynyn túsinip, polıtsııa qyzmetkerleriniń aldynda pyshaq ala bastaǵan.
«Osyǵan baılanysty polıtseıler er adamnyń qolyndaǵy pyshaqty julyp alý úshin arnaıy «PR» quralyn qoldanǵan, atap aıtqanda, olar tártip buzýshynyń qolyn rezeńke shoqparmen uryp jibergen, sol kezde er adam pyshaqty qolynan túsirip alǵan», - deıdi polıtsııa qyzmetkerleri.
Qazirgi kezde ustalǵan 24 jastaǵy er adam ýaqytsha ustaý ızolıatoryna qamaldy. Oǵan qatysty QR QK 380-babynyń 2-tarmaǵy boıynsha qylmystyq is qozǵaldy.
Qazirgi ýaqytta polıtsııa aǵa leıtenanty Nurjan Kakeegev ota jasaldy, onyń ómirine qaýip tónip turǵan joq.
