Óskemen turǵyny oıynshyq tapanshamen dúken tonady
ÓSKEMEN. QazAqparat – Óskemende belgisiz adam oıynshyq tapanshamen gúl satatyn dúkenge qaraqshylyq shabýyl jasady, dep habarlaıdy QazAqparat tilshisi.
«Polıtsııa qyzmetkerleri gúl satatyn dúkenniń satýshysyn tapanshaǵa uqsas zatpen qorqytyp, kassadan 40 myń teńge alyp, boı tasalaǵan kúdikti er adamdy ustady. Satýshy qylmys jasalǵany týraly polıtsııaǵa habarlaǵan. Dúken ishinde vıdeokamera bolmaǵan. Degenmen, «Sergek» apparattyq-baǵdarlama kesheniniń jáne zardap shegýshiniń kúdiktini sıpattap berýiniń arqasynda Óskemen qalalyq PB krımınaldyq polıtsııa bóliminiń qyzmetkerleri ony anyqtap, ustady. Ustalǵan adamnan qara tústi oıynshyq tapansha men aqsha qarajaty tárkilendi», - dedi Óskemen qalalyq polıtsııa basqarmasy bastyǵynyń orynbasary Ǵalymbek Turysbekov.
Polıtsııa basqarmasynyń málimetinshe, ustalǵan 40 jastaǵy qala turǵynyna qatysty QR Qylmystyq kodeksiniń 192-babymen sotqa deıingi tergeý júrgizilip jatyr.
