Óskemen turǵyny otqa oranǵan úıden eki balany qutqardy
ÓSKEMEN. QazAqparat – Óskemen qalasynyń turǵyny órtengen úıden kórshilerin qutqardy, dep habarlady QazAqparat tilshisi.
Qalalyq tótenshe jaǵdaılar basqarmasy baspasóz qyzmetiniń málimetine sensek, 29 sáýir kúni tańǵy saǵat 06.51-de Rechnaıa kóshesindegi kópqabatty úıde órt shyqqan. 1974 jylǵy úı ıesi tútin ıisinen oıanyp ketip, áıeli men 2 balasyn turǵyzyp, balkonǵa betteıdi. Sodan keıin ol kórshisine qońyraý shalyp, kómek suraǵan.
«Lezde kómekke umtylǵan Aleksandr Tıhobaev 2-qabattaǵy balkonǵa baspaldaq qoıyp, áýeli 2014 jáne 2013 jyly týǵan qyz balalardy túsiredi. Sodan keıin oqıǵa ornyna kelip jetken órt sóndirýshiler úshıindi saty ornatyp, olardyń áke-sheshesine kómektesken. Kóp uzamaı jalpy aýmaǵy 6 sharshy metrdi quraǵan qyzyl jalyn aýyzdyqtaldy», - dep habarlady vedomstvo ókilderi.
Júrgizýshi bolyp jumys isteıtin Aleksandr Tıhobaevtyń aıtýynsha, kez kelgen adam onyń ornynda bolsa kómekke keletin edi.
Órttiń shyǵý sebebi – elektr jabdyqtaryn ornatý jáne tehnıkalyq paıdalaný erejelerin buzýdan nemese otty abaısyz paıdalanýdan bolýy múmkin.
