Óskemen turǵyny órtengen úıden eki adamdy alyp shyqty
ÓSKEMEN. QazAqparat – Óskemen qalasynyń turǵyny jalyn sharpyǵan jer úıden eki adamdy qutqaryp qaldy, dep habarlaıdy QazAqparat tilshisi.
ShQO Tótenshe jaǵdaılar departamenti baspasóz qyzmetiniń málimetine súıensek, 20 qazan kúni shahardaǵy saıajaı qoǵamdastyǵynyń birinde jeke turǵyn úıde órt shyqty. Muny baıqap qalǵan kórshisi kúıeýine aıtqan. Igor Medvedev lezde úıge kirip, 54 jastaǵy áıel men 66 jastaǵy er adamdy ıis tııý belgilerimen syrtqa alyp shyqty.
Osy ýaqytta oqıǵa ornyna Apattar medıtsınasy ortalyǵynyń dárigerleri jetip, zardap shekkenderge alǵashqy medıtsınalyq kómek kórsetti. Ekeýi de aýrýhanaǵa jatqyzylǵan.
«Órt sóndirýshiler 25 sharshy metr aýmaqqa jaıylǵan tilsiz jaýdy aýyzdyqtady. Aldyna ala málimet boıynsha, jalynnyń shyǵý sebebi – pesh jaǵý kezinde órt qaýipsizdigi talaptaryn saqtamaýdan bolýy múmkin», - dep habarlady vedomstvo ókilderi.
