Óskemen turǵyny órt kezinde kórshisin qutqardy
ÓSKEMEN. QazAqparat – Óskemen turǵyny kórshisin qutqaryp, páterdegi órtti kólikke arnalǵan órt sóndirgishpen sóndirdi, dep habarlaıdy QazAqparat qalalyq tótenshe jaǵdaılar basqarmasyna silteme jasap.
4 qańtar kúni 13 saǵat 48 mınýtta Protozanov kóshesiniń boıyndaǵy kóppáterli turǵyn úıde órt shyqqan. Ekinshi qabatta ornalasqan páterde 0,2 sharshy metr aǵash jıhaz qurylymy janǵan. Órt sóndirýshiler kelgenge deıin ony kórshisi Rýslan Babataev sóndirgen.
«Rýslan kóliginen órt sóndirgishti taýyp alyp, jalyndy sóndirip úlgergen. 1969 jylǵy páter ıesin kók tútinge oranǵan páterden alyp shyqqan. «Jedel járdem» qyzmetkerleri zardap shegýshini №1 qalalyq aýrýhanasyna jetkizip, keıin ol orta deńgeıde ıisti gazdan ýlaný dıagnozymen toksıkologııa bólimine jatqyzyldy», - dep túsindirdi TJB-da.
Órttiń shyǵý sebebi boıynsha eki nusqa qaralyp jatyr: otty abaısyz qoldaný, mas kúıde temeki shegý.
2020 jyldyń 3-5 qańtary aralyǵynda Óskemende 4 ret órt shyqty.
Avtor:
Oral Erlanuly