Óskemen turǵyny muz astyna túsip ketken balyqshyny qutqardy
ÓSKEMEN. QazAqparat – Óskemen qalasynda órt sóndirý kóliginiń júrgizýshisi Darhan Beıilhanov muz astyna túsip ketken balyqshyny qutqaryp qaldy, dep habarlaıdy QazAqparat.
«Oqıǵa keshe tańerteń Kensiz materıaldar kombınatyndaǵy qazanshuńqyrda bolǵan. Muz astyna qulaǵan balyqshy mylqaý bolǵandyqtan, eshkimdi kómekke shaqyra almady. Sol mańaıdaǵy garajǵa dosymen kelgen №8 órt sóndirý bóliminiń qyzmetkeri Darhan Beıilhanov osyny baıqap qalǵan. Ol oılanbastan qutqarýshylardy shaqyrady da, ózi kómekke umtylady», - dep habarlady ShQO TJD baspasóz qyzmeti.
Qutqarý erejelerin jaqsy biletin Darhan barlyq qaýipsizdik sharalaryn saqtaı otyryp, balyqshyny muz astynan alyp shyqqan soń oǵan alǵashqy medıtsınalyq kómek kórsetken.
Oqıǵa ornyna kelip jetken jedel-qutqarý jasaǵanyń qyzmetkerleri er adamdy dárigerlerge jetkizdi.
