Óskemen turǵyny quny 22 mln teńgelik kólikti órtep jibergen
ÓSKEMEN. QazAqparat – Óskemen qalasyndaǵy Strelka shaǵynaýdanynda belgisiz bireý quny 22 mln teńgelik «Leksýs-570» kóligin órtep ketken, dep habarlaıdy QazAqparat.
Polıtsııa qyzmetkerleri atalǵan fakti boıynsha QR QK-niń 202-baby 3-bóligi boıynsha sotqa deıingi tergeý amaldaryn júrgizýde.
«Jedel-izdestirý sharalary barysynda tártip saqshylary sol mańaıdaǵy beınebaqylaý kameralarynyń jazbalarymen tanysyp shyqty. Nátıjesinde túngi saǵat 02.00 shamasynda er adam kólikke jaqyndap, aldyńǵy sol dóńgelegine belgisiz suıyqtyq tógip, órtep jibergen soń, birden izin sýytqany anyqtaldy», - dep habarlady ShQO Polıtsııa departamentiniń baspasóz qyzmeti.
Qazirgi ýaqytta polıtseıler kúdiktini qolǵa túsirgen. 27 jastaǵy jumyssyz qala turǵyny ýaqytsha ustaý ızolıatoryna qamaýǵa alyndy. Qylmystyń sebepteri anyqtalýda.
