Óskemen turǵyny kórshilerin órtten qutqaryp qaldy
ÓSKEMEN. QazAqparat – Óskemen qalasynyń turǵyny kórshilerin órtten qutqaryp qaldy, dep habarlaıdy QazAqparat tilshisi.
ShQO TJD baspasóz qyzmetiniń málimetine súıensek, «Vostochnık-1» saıajaı qoǵamdastyǵyndaǵy jer úıdiń shatyrynan órt shyqqan. Sol kezde tútindi baıqap qalǵan kórshi Vladıslav Kýdınov dereý órt shyqqan jaqqa qaraı umtylyp, úı ishindegi otbasy múshelerin oıatyp, oqıǵa ornyna órt sóndirýshilerdi shaqyrdy.
«Jalyn sharpyǵan jalpy aýmaq 40 sharshy metrge jetken. Órtti aýyzdyqtaýǵa 8 adam men 2 avtotsısterna jumyldyryldy. Órttiń shyǵý sebebi áli anyqtalý ústinde», - dep habarlady vedomstvo ókilderi.
Osy rette, TJD turǵyndarǵa órt qaýipsizdigi erejelerin qatań saqtaý qajettigin eskertedi.
