Óskemen turǵyny kópqabatty úıde terakt bolady dep polıtsııaǵa ótirik aıtqan
ÓSKEMEN. QazAqparat – Óskemen qalasynyń turǵyny polıtsııaǵa terakt týraly jalǵan habar bergen, dep habarlaıdy QazAqparat tilshisi.
Qalalyq polıtsııa basqarmasy baspasóz qyzmetiniń málimetine súıensek, 16 qarashada tańǵy saǵat 05.13-te «102» jedel arnasyna qońyraý shalǵan azamat terakt bolatyny týraly habar bergen.
«Óz sózinde ol terakttyń Sátpaev dańǵylyndaǵy kópqabatty úılerdiń birinde saǵat 06.00-07.00 shamasynda bolatynyn jetkizdi. Alaıda bul aqparat shyndyqqa janaspaıtyn bolyp shyqty. Polıtseıler qońyraý shalǵan er adamnyń kim ekenin jedel anyqtaǵan. Mas kúıdegi 41 jastaǵy shahar turǵyny ázildegenin aıtty», - dedi basqarma bastyǵy Andreı Mýla.
Saraptama nátıjesine sáıkes, er adam ortasha dárejede mas bolǵan.
Tártip saqshylary ony QR ÁQBtK 438-baby 1-bóligine sáıkes ákimshilik jaýapkershilikke tartyp, 30 AEK mólsherinde aıyppul saldy.
