Óskemen turǵyny ıtin polıtseıge aıtaqtaǵan
ÓSKEMEN. QazAqparat – Óskemen turǵyny otbasylyq janjal kezinde ıtin polıtseıge aıtaqtaǵan,dep habarlaıdy QazAqparat tilshisi Shyǵys Qazaqstan oblystyq polıtsııa departametiniń baspasóz qyzmetine silteme jasap.
Polıtsııanyń málimetinshe, oblys ortalyǵyndaǵy aýlalardyń birinde jubaılar arasynda urys-keris bolǵan. Er adam janjal kezinde jubaıynyń betinen judyryqpen salyp jibergen. Áıeli qoryqqanynan «102» kanalyna habarlasqan.
«Atalǵan mekenjaıǵa eki ýchaskelik ınspektor kelgen. Olar jubaılardy ajyratpaq bolǵanda er adam ıtin polıtseıge aıtaqtaǵan», - dep túsindirdi ShQO PD baspasóz qyzmetinen.
Pýlbýlterer polıtseıdiń aıaǵyn tistegen, keıin ıyǵynan qapqan. Osy kezde ıttiń ıesi qashyp ketpekke árekettenedi, biraq ony qolǵa túsirip úlgergen. Itti zardap shegýshi tynyshtandyrǵan.
Sot Óskemen turǵynyn kináli dep tanyp, bir jylǵa bas bostandyǵynan aıyrdy. Ol qaýpi joǵary qylmystyq-atqarý júıesi mekemesinde jazasyn óteıtin bolady. Budan bólek, ıttiń ıesi zardap shekken polıtseıge 150 myń teńge kóleminde moraldyq zalal tóleýge mindetteldi.
Avtor:
Oral Erlanuly
