Óskemen turǵyny bás tigem dep, alaıaqtarǵa jem boldy
ÓSKEMEN. QazAqparat - Óskemen qalasynyń 32 jastaǵy turǵyny sport saıystarynyń nátıjesin boljaıtyn «sarapshylarǵa» 145 myń teńge aýdaryp jibergen, dep habarlaıdy QazAqparat tilshisi.
Kelinshek ǵalamtorda alda bolatyn sport saıystarynyń nátıjesin dál boljaıtyn sarapshylar týraly jalǵan jarnamaǵa tap bolady. Ońaı jolmen úlken tabysqa jetýdi oılaǵan ol belgisiz esepshotqa 145 myń teńge aýdarǵan. Alaıda, aqsha túskenimen, ýáde etilgen boljamdar kelmegen. Qazir osy is boıynsha alaıaqtyq babymen jedel izdestirý sharalary júrip jatyr.
«Internet arqyly qandaı da bir kelisim jasamas buryn, tyńǵylyqty oılanǵan jón. Anonımdi tólem júıeleri arqyly aýdarylǵan aqshanyń qaıtarylýyna eshkim kepildik bere almaıdy» - delingen oblystyq ishki ister departamenti taratqan málimette.
