Óskemen turǵyny alaıaqqa aldanyp, jarty mln teńgesinen aıyryldy
ÓSKEMEN. QazAqparat – Óskemen qalasynyń turǵyny jumysqa ornalastyrýǵa kómektesetindigin aıtqan alaıaqqa jarty mln teńge bergen, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, naýryz aıynyń basynda Óskemen qalalyq PB «102» jedel arnasyna 27 jastaǵy er adam habarlasqan.
Óz sózinde ol shahar aýmaǵynda ornalasqan saýda úıleriniń birinde áńgimege tartqan jaqyn tanymaıtyn jigittiń «jumysqa ornalasýyńa kómektesemin» dep 500 000 teńge suraǵanyn aıtty.
Buǵan sengen ol alaıaqqa atalǵan somany bere salǵan.
«Jedel-izdestirý sharalaryn júrgizgen polıtsııa qyzmetkerleri 28 jastaǵy qala turǵynyn ustap, polıtsııa bólimine jetkizdi. Kúdikti jaýap alý kezinde óz kinásin moıyndady», - dedi ShQO PD bastyǵy Saǵat Mádıev.
Qazirgi ýaqytta atalǵan fakti boıynsha QR QK 190-baby 1-bóligine sáıkes sotqa deıingi tergeý amaldary júrgizilýde.
