Óskemen turǵyny alaıaqqa aldanyp 6 mln teńgesinen aıyryldy

ÓSKEMEN. QazAqparat - Óskemen turǵynyn nesıe alýǵa kómektesemin dep aldap soqqan alaıaq ustaldy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, qalalyq PB Úlbi polıtsııa bóliminiń «102» jedel arnasyna 48 jastaǵy áıel adam habarlasqan. Ol 2020 jyldyń jeltoqsanynan 2021 jyldyń aqpany aralyǵynda beıtanys áıeldiń aqshalaı nesıe alýǵa kómektesemin dep sendirip, 6 100 000 teńgesin ıemdengenin aıtty.

«Jedel-izdestirý sharalaryn júrgizgen krımınaldyq polıtsııa qyzmetkerleri kúdiktini qolǵa túsirdi. Ol Glýbokoe aýdanynyń 42 jastaǵy turǵyny bolyp shyqty», - dedi ShQO PD bastyǵy Saǵat Mádıev.

Qazirgi ýaqytta atalǵan fakti boıynsha Qylmystyq kodeksiniń 190-baby 3-bóligine sáıkes sotqa deıingi tergeý amaly júrgizilip jatyr.