Óskemen turǵyny 63 jasynda alǵash ret jeke kýálik aldy
ÓSKEMEN. QazAqparat – Óskemen qalasynyń turǵyny 63 jasynda alǵash ret jeke kýálik aldy, dep habarlaıdy QazAqparat tilshisi.
ShQO polıtsııa departamenti baspasóz qyzmetiniń málimetine súıensek, Ulan aýdany Tavrııa aýylynyń 63 jastaǵy turǵyny KSRO pasportymen ómir súrip kelgen.
Keıin qujatyn joǵaltyp alǵan ol qazaqstandyq jeke kýálikti rásimdeı almaı júrdi.
«Kóshi-qon qyzmetiniń mamandary únemi jeke basyn kýálandyratyn qujatsyz turatyn azamattardy anyqtaý jumysyn júrgizedi. Atalǵan áıel adam 1990 jyly ata-anasy qaıtys bolǵannan keıin Óskemenge kóship kelgen. Osynda qyzyn ósirip, jaldamaly páterlerde turdy. Alaıda eshqashan resmı túrde jumysqa ornalaspaǵan», - delingen aqparatta.
Qazirgi ýaqytta áıeldiń týý týraly kýáligi qalpyna keltirildi.
Mamandar oǵan Qazaqstan Respýblıkasynyń azamaty ekenin rastaý úshin qajetti anyqtamalardy jınaýǵa kómektesip, odan soń jeke kýáligin rásimdedi.
Endi áıel jasyna baılanysty zeınetaqy alyp, medıtsınalyq mekemelerge júgine alady.
