Óskemen turǵyny 2 mln teńgeniń urlanǵany jaıly jalǵan aryz túsirgen
ÓSKEMEN. QazAqparat – Óskemen qalasynda ózi jumys isteıtin kompanııaǵa tıesili qarajatty jaratyp jibergen er adam erekshe qýlyqqa barǵan, dep habarlaıdy QazAqparat.
32 jastaǵy qala turǵyny sómkesindegi 2 200 000 teńgeniń urlanǵanyn aıtyp, aryz jazǵan. Bul aqsha ol jumys isteıtin kompanııaǵa tıesili eken. Tártip saqshylary jedel-izdestirý sharalaryn júrgizgen kezde eshqandaı urlyq faktisi anyqtalmady.
«Er adam aqshany jeke qajettilikterine jumsaǵanyn moıyndady. Qazirgi ýaqytta oǵan qatysty QR QK-niń 419-babymen (Kórineý jalǵan sóz jetkizý) tergeý amaldary júrgizilýde», - dep habarlady Óskemen qalalyq Polıtsııa basqarmasynyń baspasóz qyzmeti.
