Óskemen turǵyny 13 atyraýlyqtyń aqshasyn aldap alǵan
ATYRAÝ. QazAqparat – Óskemen qalasynyń turǵyny 13 atyraýlyqtyń aqshasyn aldap alǵan, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna qaraǵanda, «Anti-fraud» jedel aldyn alý is-sharasy kezinde Shyǵys Qazaqstan oblysynyń 26 jastaǵy turǵyny ustalǵan.
«Ol Atyraý qalasynyń turǵyndaryn azyq-túlik jetkizemin degen syltaýymen «ıAndeks taksı» qosymshasy arqyly aldap, alaıaqtyq jolymen aqshasyn ıemdengen. Qazir kúdiktiniń ınternet-alaıaqtyqtyń 13 epızodyna qatysy bar ekeni dáleldendi. Oǵan qatysty QR Qylmystyq Kodeksiniń 190-baby, 2-bóligimen sotqa deıingi tergeý júrgizilýde» dep habarlady departamenttiń baspasóz qyzmetinen.
Eske sala ketelik, budan buryn Atyraýda qala turǵynynyń 2 mln teńgesin aldap alǵan alaıaq ustalǵan edi.
