Óskemen turǵyny 12 qabatty úıdiń shatyrynan sekirmek boldy
ÓSKEMEN. QazAqparat – Óskemen qalasynyń turǵyny 12 qabatty úıdiń shatyrynan sekirmek bolǵan, dep habarlaıdy QazAqparat tilshisi.
Qalalyq Polıtsııa basqarmasy baspasóz qyzmetiniń málimetine súıensek, 6 qarasha kúni saǵat 14.30-da tártip saqshylary shekteý sharalaryna baılanysty kóshelerdi patrýldeý kezinde 12 qabatty úıdiń shatyrynda otyrǵan adamdy baıqap qalǵan. Polıtseıler muny birden jedel basqarý ortalyǵyna habarlaıdy. Ýchaskelik polıtsııa ınspektory, polıtsııa kapıtany Berik Jumaǵazy dereý sol kópqabatty úıge qaraı júgirgen.
«12 qabatqa kóterilgen ýchaskelik ınspektor shatyrǵa shyǵatyn esiktiń syrtynan jabyq turǵanyn baıqaıdy. Esikti buzyp ashqan ol oqıǵa ornyna kelip jetken TJD mamanymen birge er adamdy sýıtsıd jasamaýǵa kóndiredi. Osylaısha, túsindirý jumystarynan keıin ómirdegi qıyndyqtarǵa baılanysty óz-ózine qol jumsaǵysy kelgen azamat bul oıynan bas tartty», - dep habarlady vedomstvo ókilderi.
