Óskemen turǵyny 10 jyl boıy eki elden zeınetaqy alyp kelgen
ÓSKEMEN. QazAqparat – Óskemen qalasynda turatyn reseılik azamat 10 jyl boıy Qazaqstannan zeınetaqy alyp kelgen, dep habarlaıdy QazAqparat tilshisi.
ShQO golıtsııa departamenti baspasóz qyzmetiniń málimetine súıensek, zeınetaqy tóleý jónindegi memlekettik ortalyqpen derekterdi salystyrý barysynda eki elden zeınetaqy alyp kele jatqan óskemendik anyqtaldy.
2004 jyly ol Reseı Federatsııasynyń Altaı aımaǵynda shet memlekettiń azamattyǵyn alyp, tólqujatyn rásimdegen.
Alaıda bul týraly Qazaqstan Respýblıkasynyń tıisti organdaryna habarlamaǵan.
71 jastaǵy áıel zeınet jasyna jetkennen keıin 10 jyl boıy Reseıden de, Qazaqstannan da aqsha alyp kelgen.
«Qazaqstandyq qujattardy paıdalanǵany úshin oǵan QR ÁQBtK-niń 496-baby boıynsha 100 AEK mólsherinde aıyppul salyndy. Endi barlyq zańsyz alynǵan qarajat memleket paıdasyna qaıtarylady. Qujattary tárkilengen áıel Qazaqstan azamattyǵynan aıyryldy», - deıdi oblystyq PD bastyǵynyń birinshi orynbasary Eldos Zakımov.
