Óskemen turǵyndaryn kóshede atylǵan qarý-jaraq daýysy shoshytty
ÓSKEMEN. QazAqparat – Óskemen qalasynyń turǵyndaryn Abaı dańǵylynda atylǵan qarý-jaraq daýysy shoshytty, dep habarlaıdy QazAqparat tilshisi.
Búgin tańerteń Óskemendegi Abaı dańǵylynda atylǵan qarý-jaraq daýysy turǵyndardy shoshytqan. Tek qarýdyń emes, jarylǵan bombanyń da daýysy shyqty.
Belgili bolǵandaı, sol ýaqytta atalǵan dańǵylda ornalasqan áskerı bólimde oqý-jattyǵý ótkizilgen.
«Búgin saǵat 11.00-de Óskemen qalasynda QR UU «Shyǵys» óńirlik qolbasshylyǵyna qarasty 5518 jáne 3477 áskerı bólimderiniń áskerı qalashyǵyna jasalǵan shabýylǵa toıtarys berý boıynsha ShQO polıtsııa departamenti, TJD jáne qalalyq jedel kómek kórsetý aýrýhanasymen biresken taktıkalyq oqý-jattyǵý ótti. Sonyń barysynda bos oqtalǵan qarýlar men ımıtatsııalyq jarylǵysh zattar qoldanyldy», - dep túsindirdi Ulttyq ulan «Shyǵys» óńirlik qolbasshylyǵy baspasóz qyzmetiniń bastyǵy Baǵdat Amangeldi.
