Óskemen turǵyndaryn ekologııalyq taza aýdandarǵa kóshirý baǵdarlamasy qolǵa alynady
ASTANA. 26 shilde. QazAqparat - Shyǵys Qazaqstan oblysynyń ortalyǵy - Óskemende óndiristik oshaqtarǵa jaqyn turatyn turǵyndardy qalanyń ekologııalyq taza aýdandaryna kóshirý baǵdarlamasyn iske asyrý josparlanyp jatyr.
Bul týraly «Vremıa» gazeti jazdy.
Atalǵan bastamanyń qaǵaz júzinde qolǵa alynǵanyna biraz ýaqyt boldy. Sebebi qaladaǵy kópqabatty úılerdiń kóbisi óndiris oshaqtaryna jaqyn ornalasqan. Al ol jerdiń turǵyndary lastanǵan aýamen tynystap júrýge májbúr. Endi, qala basshylyǵy qaǵaz júzinde bolǵan jospardy is júzinde qolǵa alýdy josparlap otyr. Osy maqsatta bıýdjetten aqsha bólinýi tıis. «Eń aldymen qaı aýdandardy kóshiretinimizdi anyqtap alý qajet. Shamamen, kelesi jyldan bastap biz osy baǵdarlamany bastaıtyn bolamyz», - deıdi ákimniń baspasóz hatshysy Larısa Polomoshnova.
