Óskemen turǵyndary prokýrorlarǵa sapasyz salynǵan turǵyn úıge baılanysty shaǵymdandy

ÓSKEMEN. QazAqparat - Óskemenniń prokýratýrasyna turǵyndar jańadan salynǵan turǵyn úılerdiń sapasyzdyǵyna shaǵymdandy. Oblys prokýratýrasy ótinishke baılanysty turǵyndardy qorǵap, jaǵdaıdy anyqtaýda, dep habarlaıdy «QazAqparat» HAA tilshisi.

Kókjal Baraq kóshesindegi №12 úı 2014 jyldyń sońynda paıdalanýǵa berilgen. Nysandy turǵyzýmen «Altaıstroı» fırmasy aınalysty. Qalalyq prokýratýra anyqtaǵandaı, kelisimshart boıynsha «Altaıstroı» JShS qujatqa qol qoıǵan ýaqyttan bastap úsh jylǵa deıin jasaǵan jumystarynyń sapasyna kepildik beredi. Fırma kelisimsharttaǵy mindetterin oryndamaǵan. Baqylaý vedomstvosy Óskemen qalalyq qurylys bólimine zań buzýshylyqtardy joıýdy tapsyrdy. Qaralyp bolǵasyn, merdiger uıym turǵyn úıge qatysty máselelerdi sheshýi tıis.