Óskemen turǵyndary maska baǵasynyń qymbattyǵyna shaǵymdana alady
ÓSKEMEN. QazAqparat – Óskemen qalasynyń turǵyndaryna medıtsınalyq maska baǵasynyń qymbattyǵyn aıtyp, shaǵymdanýǵa bolady, dep habarlaıdy QazAqparat.
Óskemendikter áleýmettik jeli arqyly keı dárihanalar men saýda oryndarynda medıtsınalyq maskalardyń quny sharyqtap ketkenin jazýda. Osy rette qaladaǵy koronavırýstyń taralýyna qarsy qurylǵan shtab ókilderi azyq-túlik jáne medıtsınalyq maskanyń orynsyz qymbattaǵany jaıly aryz-shaǵymdardy qabyldaıtyn Sall-ortalyqty iske qosty.
«Osyndaı faktilerdi baıqaǵandar 138 jáne 8 (777) 907-20-93 telefon nómirlerine habarlasa alady», - dep habarlady shtab ókilderi.
Esterińizge sala ketsek, osyǵan deıin ShQO-da kún saıyn 100 myń dana medıtsınalyq maska shyǵarylatyny habarlanǵan.
