Óskemen turǵyndary avtobýs pen tramvaı qozǵalysyna mobıldik qosymsha arqyly shaǵymdana alady
ÓSKEMEN. QazAqparat – Óskemen qalasynyń turǵyndary avtobýs pen tramvaı qozǵalysyna mobıldik qosymsha arqyly shaǵymdana alady, dep habarlaıdy QazAqparat tilshisi.
Qalalyq jolaýshylar tasymalyn basqarý ortalyǵynyń málimetine súıensek, azamattar avtobýs pen tramvaı qozǵalysyna «Oskemenbus» mobıldik qosymshasy arqyly shaǵymdana alady.
«Qazir jańartylǵan bul qosymshada qateler túzelip, derekqordan aqparatty júkteý ońtaılandyryldy. Qoǵamdyq kólik durys júrmeı jatsa nemese basqa da kemshilikter baıqalsa, eshqaıda barmaı-aq qosymsha arqyly aryz-shaǵym, usynys qaldyrýǵa bolady», - deıdi ortalyq dırektory Nursultan Káribekov.
Onyń aıtýynsha, ár shaǵym boıynsha tıisti tekserý júrgizilip, tıisti shara qabyldanady.
