Óskemen turǵynyn uryp óltirip, máıitin aýrýhanaǵa tastap ketkender áli tolyq ustalmady

ÓSKEMEN. KAZINFORM – Óskemen qalasynda er adamdy uryp óltirip, máıitin aýrýhanaǵa tastap ketken 3 kúdikti izdestirilip jatyr.

Jigitter arasynda janjal shyǵyp, sońy tóbeleske ulasqan. Sol kezde 6 adam bir jigitti uryp óltirip, máıitin Abaı dańǵylyndaǵy aýrýhana mańyna tastap ketken. Polıtsııa 3 kúdiktiniń ustalyp, olarǵa qatysty qylmystyq is qozǵalǵanyn habarlaǵan edi. 

Alaıda áli úsh adamnyń bostandyqta júrgeni belgili boldy.

- Kúdiktilerdiń kim ekeni anyqtaldy. Olarǵa qatysty izdeý jarııalandy. Qazir qylmystyń barlyq mán-jaıy men sebepterin obektıvti anyqtaýǵa baǵyttalǵan qajetti tergeý áreketteri júrgizilip jatyr, - dep habarlady ShQO Polıtsııa departamentinen.

Eske salsaq, osyǵan deıin ShQO-da asa qaýipti 3 qylmyskerdiń túrmeden qashyp ketkeni jaıly jalǵan aqparat taraǵany habarlanǵan. Feıktiń taralýyna osy jaǵdaı sebep bolýy múmkin.