Óskemen turǵynyn óltirgen er adam qylmysyn jasyrý úshin páterdi órtep jibergen
ÓSKEMEN. KAZINFORM – Óskemen qalasynda órtengen úıden adam máıiti tabyldy.
Órt sóndirýshiler men polıtsııaǵa qaladaǵy Myzy kóshesi, 13 mekenjaıyndaǵy páterdiń janyp jatqany jaıly habar túsken. Oqıǵa ornyna shuǵyl kelip jetken TJD qyzmetkerleri kóp uzamaı tilsiz jaýdy aýyzdyqtady.
Páter ishin barlaý kezinde er adamnyń máıiti tabyldy. 37 jastaǵy azamattyń denesindegi jaraqattardan onyń zorlyq-zombylyqpen óltirilgeni baıqalady.
Jedel-izdestirý sharalaryn júrgizgen tártip saqshylary kúdiktini qolǵa túsirdi. Ol páterge órt qoıyp qylmysyn jasyrmaq bolǵan.
- Atalǵan fakti boıynsha QR Qylmystyq Kodeksiniń 99-babymen (Adam óltirý) is qozǵaldy. Kúdikti ýaqytsha ustaý ızolıatoryna qamaýǵa alynǵan. Qazirgi ýaqytta tergeý amaldary júrgizilip jatyr, - dep habarlady ShQO Polıtsııa departamentinen.
Eske salsaq, osyǵan deıin ShQO-da 9 jyl boıy izdeýde júrgen qylmysker áýejaıda ustalǵany jaıly habarlaǵan edik.