Óskemen turǵyndary úıleriniń salqyndyǵyna shaǵymdandy
ÓSKEMEN. KAZINFORM — Óskemen qalasyndaǵy kópqabatty turǵyn úılerdiń turǵyndary úıleriniń salqyndyǵyna shaǵymdanyp jatyr.
Birneshe kósheniń halqy páterleriniń burynǵyǵa qaraǵanda aıtarlyqtaı salqyndap ketkenin aıtyp jatyr. Al aýa temperatýrasy -40 gradýsqa deıin tómendegen kezde shaǵymdar kúrt kóbeıgen.
Osy máselege qatysty Shyǵys Qazaqstan oblysynyń Energetıka jáne turǵyn úı-kommýnaldyq sharýashylyq basqarmasynan jaýap berdi.
— Kelip túsken ótinishter boıynsha «Shyǵys jylý» kásipornynyń qyzmetkerleri sol jerlerge baryp, jylý tasymaldaǵyshtyń úıge kireberistegi kórsetkishterin ólshegen. Tekserý barysynda úıge berilip jatqan jylý temperatýrasynyń josparly deńgeıde ekeni anyqtalǵanymen, úıishilik jylý júıelerinde kemshilikter bar ekeni belgili boldy, — deıdi basqarma basshysynyń orynbasary Raýan Turysbek.
Osyǵan baılanysty júıeni jóndeý jáne retke keltirý jóninde tıisti eskertýler berilgen.
Eske salsaq, osyǵan deıin Óskemen qalasyna ne sebepti qysta jıi tuman túsetinine qatysty ákimdik ókilderi jaýap bergeni habarlanǵan.