Óskemen turǵyndary aýada hımııalyq ıis seziletinin aıtyp shaǵymdandy

ÓSKEMEN. KAZINFORM – Óskemen qalasy turǵyndarynyń aýada hımııalyq ıis seziletinin aıtqan shaǵymyna ShQO Ekologııa departamentinen jaýap berdi. 

Kesheli beri áleýmettik jelide Óskemenniń birneshe shaǵyn aýdanynda ótkir hımııalyq ıis seziletini jaıly shaǵymdar kóp jazyldy. Osyǵan baılanysty quzyrly departamenttiń mobıldi top músheleri atmosferalyq aýaǵa aspaptyq ólsheý júrgizdi. 

— Ekologtardyń zertteýleri ónerkásiptik kásiporyndardyń sanıtarlyq-qorǵaý aımaqtarynda sertıfıkattalǵan jabdyqtardy paıdalana otyryp júrgizildi. Sonyń nátıjesi boıynsha aýada lastaýshy zattardyń shekti ruqsat etilgen kontsentratsııasynyń asyp ketý faktisi tirkelgen joq. «Qazgıdromet» RMK fılıalynyń derekteri boıynsha da statsıonarlyq baqylaý beketterinde aýanyń lastanýy anyqtalmady, - dep habarlady oblystyq Ekologııa departamentiniń baspasóz qyzmetinen. 

Vedomstvo dereginshe, keı lastaýshy zattar sanıtarlyq normalardan aspaıtyn shekte aýaǵa tarasa da ıisi sezilip turady. 

Eske salsaq, buǵan deıin elimizde erekshe qorǵalatyn 6 tabıǵı aýmaq qurylatyny habarlanǵan.