Óskemen tramvaı parki áleýmettik korporatsııanyń menshigine ótti
ÓSKEMEN. QazAqparat - Óskemendegi tramvaı parkin «Ertis» áleýmettik kásipkerlik korporatsııasy satyp aldy, dep habarlaıdy QazAqparat tilshisi.
Esterińizge salsaq, qaryzy bastan asqan Óskemen tramvaı parkiniń múlki bir apta buryn satylymǵa shyǵarylǵan bolatyn. Korporatsııanyń basqarma tóraǵasy Anton Kramarenko parktiń endigi ıesi «Ertis» ÁKK ekenin rastady. Satylymǵa qoıylǵan múlikter jıyntyǵynan 444 mln teńge túsken.
«Bul o basta usynylǵan baǵadan áldeqaıda tómen», - deıdi Anton Kramarenko. Parktiń endigi taǵdyry qalaı órbıtini ázirge belgisiz. Naýryz meıramynan keıin bul máselege qatysty túpkilikti sheshim shyǵady dep kútilýde.
